Este ciclo de conferencias exponse como unha actividade paralela á exposición ARTE E MEMORIA DEMOCRATICA que se produce para Cása-Museo Casares Quiroga na Coruña. A idea é mostrar como a guerra e as súas consecuencias de destrución e dor, foron na arte arte contemporánea un tema sobre o que moitos creadores traballaron denunciado os abusos, as atrocidades e a morte, que sempre deixa tras de si calquera conflito armado.
Partindo e tomando como referencia os Desastres de la guerra de Goya, onde se reflicte cunha visión moderna e comprometida a violencia, a crueldade e a destrucción que provoca calquera guerra, iremos percorrendo a obra de artistas contemporáneos que se implicaron nas súas obras en contra da violencia, a través da denuncia dos crimes, dos desastres e o absurdo da guerra. A arte como un claro compromiso e denuncia.
Utilizar, por tanto, estas obras plásticas como elementos de reflexión e concienciación sobre os dramas bélicos e sobre a súa repercusión na poboación civil as victimas máis directas e inocentes da guerra e o seu intrínseco carácter de crueldade e dor.
